ღია ბლოტი
ზოგადი აღწერა
ღია ბლოტის ეს ვერსია არის ორი მოთამაშის თამაში, რომელიც მიმდინარეობს 32 კარტით შვიდიდან ტუზამდე. მოთამაშეები მონაწილეობენ წინასწარ დაგეგმილ გარკვეულ თამაშებში, ან თამაშებში გარკვეული ქულით და წინასწარ განსაზღვრული საპრიზო ერთეულით.
პირველ რიგში, მიაღწიეთ ზღვრულ ქულას (501 (51), 1001 (101) ან 2001 (201)) ან მოიგეთ გარკვეული რაოდენობის თამაში (1, 3 ან 5):
ღია ბლოტი ძალიან ჰგავს მარტივ ბლოტს, მაგრამ არსებობს რამდენიმე ძირითადი განსხვავება:
- ღია ბლოტში თამაშობს ორი მოთამაშე.
- კარტების დარიგების მეთოდი განსხვავებულია. ერთ-ერთი მოთამაშე ინიშნება დილერად. დილერი თითოეულ მოთამაშეს ურიგებს 4 კარტის 2 სეტს: 8 კარტიანი სეტი დილერისთვის და ერთი სეტი არადილერისთვის.
- შემდეგ დილერი იმეორებს პროცესს და თითოეულ მოთამაშეს ურიგდება კიდევ 4 გახსნილი კარტი ზედა რიგისთვის.
- განაწილების შემდეგ თამაში იწყება. არადილერ მოთამაშეს ახლა აქვს შესაძლებლობა დაიწყოს თამაში კოზირის არჩევით. თუ არადილერი უარს იტყვის, დილერმა უნდა აირჩიოს კოზირი. თუ დილერიც უარს იტყვის, თითოეულ მოთამაშეს ურიგდება კიდევ 4 გახსნილი კარტი. კოზირის არჩევანის საშუალება შემდეგ უბრუნდება არადილერს. თუ ის კვლავ უარს იტყვის, ინიციატივა გადადის დილერზე, რომელმაც უნდა აირჩიოს კოზირი.
- შემდეგ თამაში იწყება და არადილერი აკეთებს პირველ სვლას. სვლის გაკეთების მერე, იხსნება კარტის ქვემოთ არსებული დაფარული კარტი, რომელიც გამოიყენა სვლის გასაკეთებლად და იქცევა გახსნილ კარტად.
- იმისდა მიუხედავად, ვინ აირჩევს კოზირს, დილერის მოწინააღმდეგე აკეთებს სვლას. მოწინააღმდეგემ უნდა გააკეთოს სვლა მსგავსი კარტით, არსებობის შემთხვევაში, ხოლო თუ არ არის, მაშინ კოზირით. თუ არ არსებობს მსგავსი კარტები ან კოზირები, მოთამაშეს შეუძლია გააკეთოს სვლა ნებისმიერი სხვა კარტით. თუ გათამაშებული კარტი არის კოზირი და თამაშში არის უფრო მაღალი კოზირი, მაშინ თქვენ უნდა ჩამოხვიდეთ ის, ხოლო თუ თამაშში არის ნაკლები მნიშვნელობის კოზირი, მაშინ შეგიძლიათ სვლა გააკეთოთ ნებისმიერი კოზირით.
- პირველ ხელში, მოთამაშეს შეუძლია გამოაცხადოს ბლოტის გარდა სხვა კომბინაცია. კომბინაციების გამოსაცხადებლად თქვენ უნდა გამოიყენოთ ღილაკი F2 ან მენიუ. თუ კომბინაცია არ არის გამოცხადებული, ის არ ჩაითვლება.
|
კოზირით თამაში |
თამაში კოზირიანი კარტის გარეშე |
|
კოზირი ვალეტი (J) – 20 ქულა |
ნებისმიერი ტუზი (A) – 19 ქულა |
|
კოზირი ცხრიანი (9) – 14 ქულა |
2.ნებისმიერი ათიანი (10) – 10 ქულა |
|
ნებისმიერი ტუზი (A) – 11 ქულა |
ნებისმიერი მეფე (K) – 4 ქულა |
|
ნებისმიერი 10 – 10 ქულა |
ნებისმიერი დედოფალი (Q) – 3 ქულა |
|
ნებისმიერი მეფე (K) – 4 ქულა |
ნებისმიერი ვალეტი (J) - 2 ქულა |
|
ნებისმიერი დედოფალი (Q) – 3 ქულა |
ნებისმიერი ცხრიანი (9) – 0 ქულა |
|
.არაკოზირი ვალეტი (ჯ) - 2 ქულა |
ნებისმიერი რვიანი (8) – 0 ქულა |
|
არაკოზირი ცხრიანი (9) – 0 ქულა |
ნებისმიერი შვიდიანი (7) – 0 ქულა |
|
ნებისმიერი რვა (8) – 0 ქულა |
|
რაც უფრო მეტი კარტია კომბინაციაში, მით უფრო ძლიერია ის (მაქსიმუმ ხუთი კარტი). რაც უფრო მაღალია კომბინაციის ბოლო კარტი, მით უფრო მაღალია მთელი კომბინაცია. ერთი და იგივე მაღალი კარტით ერთი და იგივე კომბინაციის შემთხვევაში, უპირატესობა ენიჭება კოზირის კომბინაციას ან მოთამაშეს, რომელიც პირველი გამოაცხადებს თავის კომბინაციას.
სვლის გაკეთებამდე კომბინაციის მფლობელმა უნდა გამოაცხადოს, რათა ჩაითვალოს. პირველი სვლის შემდეგ გაკეთებული განცხადებები არ იქნება ძალაში. ბლოტის კომბინაციის ქულები გამოითვლება ავტომატურად, თამაშის პროგრესის მიუხედავად.
ღია ბლოტში ერთი ან მეტი კომბინაციის მიღების ალბათობა შეიძლება გაიზარდოს ყოველი სვლის დროს, შესაბამისად მოგიწევთ ყურადღებით განიხილოთ სვლები, რა კარტები გახსნათ და ა.შ.. ტერსი (20 ქულა) შეიძლება გაიზარდოს ორმოცდაათამდე (50 ქულა), შემდეგ კი ეს ორმოცდაათი შეიძლება გაიზარდოს ასამდე (100 ქულა).
მაგალითად, თუ თქვენ გაქვთ დედოფალი (Q), ჯეკი (J) და კოზირი ათიანი (10), შეგიძლიათ გამოაცხადოთ ტერსი და მიიღოთ 20 ქულა. თუ შემდეგ ჩამოხვალთ იმავე მასტის მეფეს (K) ან ცხრიანს (9), შეგიძლიათ მიიღოთ ორმოცდაათი ბლოტით/რებლოტით, შემდეგ კი შესაძლოა მიიღოთ ასი (100). აქედან გამომდინარე, მნიშვნელოვანია ყველა კარტის გათვალისწინება, რათა მაქსიმალი სარგებელი მიიღოთ კომბინაციების გამოცხადებიდან.
- ყველა კარტის ქულების ჯამია 162 (16).
- ქულები ანგარიშდება ყოველი რაუნდის დასრულების შემდეგ.
- ბოლო ხელის შემდეგ, სისტემა ავტომატურად ითვლის კარტის ქულებს კომბინაციების ქულების დამატებით.
- მოთამაშე რომელიც აიღებს ბოლო ხელს იღებს 10 ქულას.
- თითოეული მოთამაშის ქულები ემატება წინა თამაშების დროს დაგროვებულ ქულებს და დარეგისტრირდება ცხრილში (ცხრილის თითოეული ხაზი აჩვენებს მიმდინარე თამაშის შედეგს ყოველი რაუნდის შემდეგ).
- გამარჯვებული გამოვლინდება კარტებიდან და კომბინაციებიდან დაგროვილი ქულების ჯამის მიხედვით. თუ მოთამაშემ აიღო კოზირი და ვერ დააგროვა ოპონენტზე მეტი ქულა, კარტების და კომბინაციების ქულები გადადის მოწინააღმდეგეზე და მოცემული მოთამაშე აგებს. თუ მოთამაშეს ქულა არ აქვს მიღებული, ამას ეწოდება "კაპუტი", მოწინააღმდეგის ქულას ემატება 21 ქულა.
- თუ მოთამაშეს, რომელიც კოზირს აიღებს, აქვს ოპონენტზე მეტი ქულა, იგი ითვლება თამაშის გამარჯვებულად ამ რაუნდში და დაანგარიშება ხდება შემდეგნაირად: მოწინააღმდეგის კარტიდან გამოკლებული ქულა აკლდება ჯამში 162 ქულას (კომბინაციების გარეშე) და სხვაობა რეგისტრირდება ქულად (თუ იყო კომბინაციები, ისინი ასევე დაემატება).
- ღია ბლოტში იმისათვის, რომ არ მოხდეს ''კაპუტი'', აღებული ხელი უნდა განიჭებდეთ მინიმუმ ერთ ქულას.
კომბინაციის ტიპები
1. ოთხი კარტი – ერთი და იგივე მნიშვნელობის ოთხი კარტის კომბინაცია.
ოთხი კარტის ნებისმიერი კომბინაცია უფრო ძლიერია, ვიდრე ნებისმიერი სხვა კომბინაცია.ოთხი კარტის სხვადასხვა კომბინაციების თანმიმდევრობა კოზირით თამაშში.
- ჯეკის ოთხი კარტი - 200 ქულა
- ცხრიანების ოთხი კარტი - 140 ქულა
- ტუზის ოთხი კარტი - 110 ქულა
- ათიანების, მეფის და დედოფლის ოთხი კარტი– 100 ქულა
ოთხი კარტის სხვადასხვა კომბინაციების თანმიმდევრობა თამაშში კოზირის გარეშე.
- ტუზის ოთხი კარტი - 190 ქულა
- ათიანების, მეფის და დედოფლის ოთხი კარტი – 100 ქულა
- ცხრიანების ოთხი კარტი - 0 ქულა
2. ასი (100 ქულა) - ერთი და იმავე მასტის ხუთი კარტის ნებისმიერი თანმიმდევრობა.
3. ორმოცდაათი (50 ქულა) - ერთი და იმავე მასტის ოთხი კარტის ნებისმიერი თანმიმდევრობა.
4. ტერსი (20 ქულა) - ერთი და იმავე მასტის სამი კარტის ნებისმიერი თანმიმდევრობა.
5. ბლოტი (20 ქულა) - კოზირის მეფე და დედოფალი.
